બુલિયન માર્કેટમાં ભૂકંપ: ચાંદીના ભાવમાં ઐતિહાસિક કડાકો, રોકાણકારોના કરોડો રૂપિયા ધોવાયા

સ્થાનિક અને વૈશ્વિક બુલિયન માર્કેટમાં મોટો ઉલટફેર

સ્થાનિક અને વૈશ્વિક બુલિયન માર્કેટમાં આજે એક મોટો ઉલટફેર જોવા મળ્યો છે. છેલ્લા કેટલાય સમયથી આસમાને પહોંચેલા ચાંદીના ભાવમાં આજે એક જ દિવસમાં મોટો ઘટાડો નોંધાતા બજારમાં ફફડાટ વ્યાપી ગયો છે. જાણકારો આ ઘટાડાને “બબલ બર્સ્ટ” એટલે કે ભાવમાં આવેલો કૃત્રિમ ઉછાળો ફૂટી ગયો હોય તેમ ગણાવી રહ્યા છે.

ચાંદીમાં એક જ દિવસમાં ₹1.07 લાખથી વધુનો ઘટાડો બજારના તાજા આંકડાઓ મુજબ, ચાંદીના વાયદા બજારમાં અભૂતપૂર્વ ઘટાડો જોવા મળ્યો છે. ગુરુવારે જે ચાંદી ₹3,99,893 પ્રતિ કિલોગ્રામ પર બંધ થઈ હતી, તે શુક્રવાર સુધીમાં ઘટીને સીધી ₹2,91,922 પર આવી ગઈ છે. એટલે કે માત્ર 24  કલાકમાં જ ચાંદીના ભાવમાં પ્રતિ  કિલો ₹1,07,971 નો તોતિંગ કડાકો બોલાયો છે.

ટોચના સ્તર અને હાઇટીમો

ટોચના સ્તરથી ₹1.28 લાખ સસ્તી થઈ મહત્વનું છે કે, ગુરુવારના ટ્રેડિંગ દરમિયાન ચાંદીએ ₹4,20,048 ની ઓલ-ટાઈમ હાઈ સપાટીને સ્પર્શ કર્યો હતો. આ રેકોર્ડ હાઈ સપાટીની સરખામણીએ જોવામાં આવે તો, ચાંદીના ભાવમાં ₹1,28,126 જેટલો મોટો ઘટાડો થયો છે.

વિશ્લેષકોનું મત

સોના-ચાંદીના વેપાર સાથે સંકળાયેલા વિશ્લેષકોના મતે, બજારમાં જે રીતે અચાનક તેજી આવી હતી તેવી જ રીતે હવે મોટું કરેક્શન જોવા મળી રહ્યું છે. બજાર વિશ્લેષકોનું શું કહેવું છે? નિષ્ણાતોના મતે, વૈશ્વિક સ્તરે બદલાતા આર્થિક સમીકરણો અને નફાકારકતા વચ્ચે મોટા રોકાણકારોએ વેચવાલી વધારતા આ સ્થિતિ સર્જાઈ છે. ખાસ કરીને જે રીતે ચાંદી ₹4 લાખને પાર કરી ગઈ હતી, તે લાંબો સમય ટકી શકે તેમ નહોતી. આજનો આ કડાકો એ વાતનો સંકેત છે કે બજાર હવે ફરીથી વાસ્તવિક સ્તરે આવી રહ્યું છે.

ગ્રાહકો માટે ખરીદીની તક

લગ્નની સીઝન પૂર્વે ચાંદીના ભાવમાં આવેલા આ ઘટાડાથી સામાન્ય જનતાને રાહત મળી શકે છે. જોકે, રોકાણકારો અત્યારે “રાહ જુઓ અને જુઓ”ની નીતિ અપનાવી રહ્યા છે, કારણ કે હજુ પણ બજારમાં વોલેટિલિટી રહેવાની શક્યતા છે.