જૂનાગઢમાં ગિરનારની ગોદમાં યોજાનારા મહાશિવરાત્રી મેળા (2026) માટે વહીવટી તંત્ર સજ્જ

તંત્ર સાથે સાધુ-સંતો દ્વારા પણ થઇ રહી છે ભવ્ય તૈયારીઓ:

જુનાગઢમાં મહાશિવરાત્રી મેલાનું વિશિષ્ટ મહત્વ હોય છે. આ વર્ષના મેળાની મુખ્ય વિગતો નીચે મુજબ છે:

મેળાની તારીખ અને સમયગાળો * પ્રારંભ: 11 ફેબ્રુઆરી, 2026 (મહા વદ નોમ)

* મુખ્ય પર્વ: 15 ફેબ્રુઆરી, 2026 (મહાશિવરાત્રી)

* આ પાંચ દિવસીય મેળો 'મિની કુંભ' તરીકે ઉજવાશે.

*આ વર્ષના મુખ્ય આકર્ષણો અને ફેરફારો * પ્રથમવાર 'નગર યાત્રા': 11 ફેબ્રુઆરીએ સાધુ-સંતોના આગમન સમયે તેમનું સ્વાગત કરવા માટે જૂનાગઢ શહેરમાં પ્રથમ વખત ભવ્ય નગર યાત્રા (નગર પ્રવેશ) નું આયોજન કરવામાં આવ્યું છે.

*રવેડી રૂટમાં વધારો: શ્રદ્ધાળુઓની ભીડને ધ્યાનમાં રાખીને પરંપરાગત રવેડીનો રૂટ 1.5 કિ.મી. થી વધારીને 2 કિ.મી. કરવામાં આવ્યો છે, જેથી વધુ ભક્તો નાગા સાધુઓના દર્શન કરી શકે.

* શિવ થીમ પર સુશોભન: સમગ્ર મેળાના રૂટને ભગવાન ભોલેનાથની થીમ પર શણગારવામાં આવશે અને ઠેર-ઠેર સેલ્ફી પોઈન્ટ્સ બનાવ્યા છે.

* શાહી સ્નાન લાઈવ: જે ભક્તો રૂબરૂ નથી આવી શકતા, તેમના માટે મૃગીકુંડમાં થતા શાહી સ્નાનનું લાઈવ સ્ટ્રીમિંગ કરવામાં આવશે.

સુરક્ષા અને સુવિધા

* પોલીસ બંદોબસ્ત: સુરક્ષા માટે પોલીસ જવાનોની સંખ્યા 1,600 થી વધારીને 2,900 થી વધુ કરવામાં આવી છે.

* વાહન વ્યવહાર: 11 થી 15 ફેબ્રુઆરી દરમિયાન ભવનાથ તળેટીમાં વાહનોના પ્રવેશ પર પ્રતિબંધ રહેશે. ગિરનાર દરવાજા પાસે 25 જેટલા પાર્કિંગ પોઈન્ટ્સ બનાવ્યા છે, જ્યાંથી શટલ બસની વ્યવસ્થા હશે.

* વૃદ્ધો માટે સુવિધા: ચાલવામાં અસમર્થ વૃદ્ધો માટે ખાસ ઇલેક્ટ્રિક રિક્ષાની સુવિધા પણ ઉપલબ્ધ રહેશે.

* પીવાનું પાણી: મેળામાં 140 સ્થળોએ RO પ્લાન્ટ દ્વારા શુદ્ધ પીવાના પાણીની વ્યવસ્થા કરવામાં આવી છે.

શિવરાત્રી મેળાના સફળ અને સલામત આયોજન માટે વહીવટી તંત્ર દ્વારા તડામાર તૈયારી કરવામાં આવી રહી છે