હોટેલ એન્ડ રેસ્ટોરંટ એસોસીએશન હરિયાણા દ્વારા સમાન ૫% જી.એસ.ટી. દર લાગુ કરવા માંગ

ભારતના અગ્રણી હોટેલ અને રેસ્ટોરન્ટ એસોસિએશન, હરિયાણાના હોટેલ અને રેસ્ટોરન્ટ એસોસિએશને ઔપચારિક રીતે સરકારને તેની તમામ સેવાઓ પર 5% નો સમાન ગુડ્સ એન્ડ સર્વિસ ટેક્સ (GST) દર લાગુ કરવા વિનંતી કરી છે. આ એકીકૃત દરમાં રૂમ ટેરિફ, પીરસવામાં આવતા ખોરાક અને પીણાં અને દેશભરમાં હોસ્પિટાલિટી સંસ્થાઓ દ્વારા પૂરી પાડવામાં આવતી અન્ય આનુષંગિક ઓફરોનો સમાવેશ થશે. ઉદ્યોગ મંડળની દલીલ છે કે એકજ અને નીચો GST સ્લેબ અનુપાલનને સરળ બનાવશે અને સ્થાનિક પ્રવાસન અને વ્યવસાયિક મુસાફરીને સંભવિતપણે ઉત્તેજીત કરશે.હાલમાં, હોટેલ આવાસ માટેના GST દર વાસ્તવિક ટેરિફના (એક્આચુલ ટેરીફ) આધારે બદલાય છે, જેમાં વિવિધ સ્લેબ લાગુ પડે છે. તેવી જ રીતે, ફૂડ એન્ડ બ્રેવરેજ સેવાઓ કે જેને સામાન્ય વ્યક્તિ રેસ્ટોરંટ સર્વિસ તરીકે ઓળખે છે તેના ઉપર હોટેલ રૂમ બિલિંગના આધારે અલગ-અલગ ૫% અથવા ૧૮% ના દરો લાગુ પડે છે. આ કારણે હોટેલ ઉદ્યોગને ઘણી પીડાનો સામનો કરવો પડી રહ્યો છે. રેસ્ટોરન્ટના ખાદ્યપદાર્થોના દરો હોટેલના રૂમના દરો સાથે જોડાયેલા છે જ્યાં રેસ્ટોરન્ટ હોટેલ પરિસરમાં આવેલી છે. હોટેલ ઉદ્યોગ મોટાભાગે મોટી સમસ્યાઓનો સામનો કરી રહ્યો છે જ્યાં નાણાકીય વર્ષમાં 7500 થી વધુ માત્ર એક જ ઇનવોઇસ મિડ સેગમેન્ટની હોટલને તેમની રેસ્ટોરન્ટ સેવા પર 18% માટે જવાબદાર બનાવે છે. તમામ સેવાઓ પર સૂચિત 5% દરનો ઉદ્દેશ આ જટિલતાને દૂર કરવાનો છે. જો કે, તમામ સેવાઓમાં 5%નો એકસમાન સ્લેબ બનાવવાના આ મત પર ટેક્સ નિષ્ણાતોનો મત અલગ છે. ઘણા ટેક્સ પ્રોફેશનલ્સ માને છે કે ઈનપુટ ટેક્સ ક્રેડિટ વિના રૂમ ટેરિફ પર GSTનો 5% સ્લેબ ઉદ્યોગ માટે ફાયદાને બદલે અભિશાપ છે. ભાડાની ચકવણી પર જી.એસ.ટી. , ટ્રાવેલ એજન્ટ કમિશન પર જી.એસ.ટી. વગેરેની ઇનપુટ સેવાઓ પર ઇનપુટ ટેક્સ ક્રેડિટ ન મળવાથી હોટેલ ઉદ્યોગને મોટી નુકસાનીનો સામનો કરવો પડી રહ્યો છે. ઘણા હોટેલ ઉદ્યોગ સાહસિકો પણ એવું જ અનુભવે છે અને ઇચ્છે છે કે ઇનપુટ ટેક્સ ક્રેડિટ પરના આ નિયંત્રણો દૂર કરવામાં આવે. હોસ્પિટાલિટી ઇન્ડસ્ટ્રી એકંદરે આ દૃષ્ટિકોણમાં સર્વસંમત છે કે રૂમ ટેરિફ સાથે જોડાયેલા રેસ્ટોરન્ટ સેવાના દરોને ડી-લિંક કરવા જોઈએ. હોસ્પિટાલિટી ઇન્ડસ્ટ્રી કે જે મોટાપાયે નોકરીની તકો ઊભી કરવામાં સહાયરૂપ છે તે GSTની જોગવાઈઓ અનુકૂળ ન હોવાને કારણે અસહાય સ્થિતિનો સામનો કરી રહી છે.