ભારત ગ્લોબલ સ્માર્ટફોન બ્રાન્ડ લોન્ચ કરવા સજ્જ, ટેક દિગ્ગજોને આપશે પડકાર

ગ્લોબલ માર્કેટમાં પ્રવેશ માટે વ્યૂહાત્મક પહેલ

ભારતની પોતાની બ્રાન્ડ્સ સ્માર્ટફોન ઉપકરણો સાથે ગ્લોબલ સ્માર્ટફોન માર્કેટમાં પ્રવેશવા માટે વ્યૂહાત્મક તૈયારીઓ કરી રહી છે. ડાવોસ ખાતે ચાલી રહેલી WTO ની બેઠકમાં આ જાહેરાત ભારતના ઇલેક્ટ્રોનિક્સ અને ઇન્ફોર્મેશન ટેકનોલોજીના કેન્દ્રીય મંત્રી અશ્વિની વૈષ્ણવે કરેલ છે. તેઓ દ્વારા જણાવવામાં આવ્યું હતું કે અત્યંત સ્પર્ધાત્મક કન્ઝ્યુમર ઇલેક્ટ્રોનિક્સ ક્ષેત્રમાં ભારતીય ભારતીય બ્રાન્ડ્સ પોતાની હાજરી સ્થાપિત કરવા તૈયાર છે. તેઓએ ઉમેર્યું હતું કે આ માટે પાયાનું કામ પૂર્ણ થઈ ગયું છે, જે આગામી 12 થી 18 મહિનાની અંદર a બ્રાન્ડ્સ માટે ઔપચારિક લોન્ચનો માર્ગ મોકળો કરશે.

તકનીકી અને આર્થિક આકાંક્ષાઓ

આ પગલું ભારતની વ્યાપક આર્થિક અને તકનીકી વિકાસ એજન્ડાનો એક નિર્ણાયક ઘટક માનવામાં આવે છે. વૈશ્વિક સ્તરે પોતાની સ્માર્ટફોન બ્રાન્ડસ વિકસાવીને અને તેનું માર્કેટિંગ કરીને, ભારત પોતાની ઉત્પાદન ક્ષમતાઓનો લાભ ઉઠાવવા, નવીનતાને પ્રોત્સાહન આપવા અને આંતરરાષ્ટ્રીય ટેકનોલોજી વેપારનો મોટો હિસ્સો મેળવવાનો લક્ષ્યાંક ધરાવે છે. આ પહેલથી ઘરેલું ઉત્પાદનમાં તો વધારો થશે જ પરંતુ આ સાથે સંશોધન અને વિકાસથી લઈને ઉત્પાદન અને વિતરણ સુધીની સમગ્ર મૂલ્ય શૃંખલામાં (સપ્લાય ચેઈન) નોંધપાત્ર રોજગારીની તકો પણ ઊભી થશે.

સ્પર્ધાત્મક લેન્ડસ્કેપ અને બજાર પર અસર

ભારતીય બ્રાન્ડ્સની એન્ટ્રીથી ગ્લોબલ સ્માર્ટફોન માર્કેટની સ્પર્ધાને વધુ તીવ્ર બનાવશે, જે વિશ્વના અને ખાસ કરીને ભારતના ગ્રાહકો માટે ફાયદારૂપ સાબિત થશે. ભારતીય બ્રાન્ડ્સ Apple અને Samsung જેવા સ્થાપિત આંતરરાષ્ટ્રીય ખેલાડીઓ, કે જે હાલમાં હાઇ-એન્ડ અને મિડ-રેન્જ બજારના નોંધપાત્ર હિસ્સા પર પ્રભુત્વ ધરાવે છે તેને વિશ્વ સ્તરે પડકાર ફેકશે તેવું નિષ્ણાંતો માની રહ્યા છે. જો કે આ માટે ભારતીય બ્રાન્ડ્સ માટે માત્ર નીચી કિંમત પર જ ભરોસો રહવા સાથે ટેકનોલોજી બાબતે પણ ઉચ્ચ માપદંડ સ્થાપિત કરવા જરૂરી રહેશે.